Опозициското расположение е поголемо од парламентарната "опозиција". Тоа бара нова Република.

До новата Република доаѓаме низ политики за постигнувања и напредок, а не на сеќавања.

Ви предлагаме - преку НОВА РЕПУБЛИКА.

На сите кои препознаваме дека:

"традиционалните" партии се во порите на институциите само за да (се) корумпираат со јавни пари и договорно да ротираат на власт,
при отсуство на понуда, со апстиненција и "неважечки" ливчиња одбиваме инсталирани функционери, но дека така се уште
немаме легитимно претставништво.

НОВА РЕПУБЛИКА е парадигмата за:

Одржлива економија и претприемништво низ реиндустријализација за:
- крај на задолжувањата и иселувањето во интерес на (системот на) олигархијата и
- значаен и постојан економски развој и раст на животниот стандард, и
Владеење на правото низ примена на потпишаното и усвоеното.

Одржливата економија втемелена на реиндустријализација носи ПРОСПЕРИТЕТ. Владеењето на правото гарантира РЕД.

Тие се основа на системот кој гарантира СЛОБОДА низ:

Национален идентитет што ги штити нашите одделни етнички идентитети;
Права на сите и одговорност на секој, и
Примена на ️Рамковниот, Преспанскиот и Договорот за добрососедство за СЛОБОДА, РЕД и ПРОСПЕРИТЕТ во сопствена држава.

Притоа, ️Северна Македонија во ЕУ е од еднакво значење и поврзаност со нашата припадност во НАТО.

Оттука нашите приоритети во 2026 се:

уставни дополнувања,
ветинг,
проширена конфискација на нелегален имот,
проширен опфат на рестриктивните мерки,
отворање на досиејата на ју-службите,
уредување на работењето со криптовалути,
прекин на оданочувањето на семејните и инвестициските приливи од дијаспората,
отворање за инвестициите од соседството, особено од земјите-сојузници во НАТО.

"Потсмевот" од корумпираните функционери, партиските ботови и опинионистите на олигархијата ни е комплимент. "Пофалбите" од нив би не загрижиле.

И штом се препознаете во новата Република, проверете како до неа доаѓаме низ #НОВАРЕПУБЛИКА. Со Ваши предлози и вклученост - побрзо, подобро и поуспешно