И Владата и парламентарната опозиција "се колнат" во ЕУ и НАТО, но одработуваат за (Србија, Русија и) Кина

Мицкоски неделава потврди (сумирано) дека Преговарачката рамка се менува само со ЕУ консензус, по цена "новата" да не ни ги уважи сегашните придобивки. И така го призна познатото - дека Преговарачката рамка од самиот почеток е корисна за нас.

За тоа време парламентарната "опозиција" театрално тера интерпелации/пратенички прашања, но ни да спомне уставни амандмани.

Заедно ВМРО-ДПМНЕ, СДСМ и Левица мора да ги одмолчуваат најтешките заклучоци при усвојувањето на ЕУ-Извештајот:

1. Скриена сопственичка структура во медиумите со антиевропски наративи,

2. Подривање на евро-патот низ координирана манипулација во информирањето,

3. Потреба од отворање на архивите на ју-тајните служби, и особено

4. Растечки силните врски меѓу Северна Македонија и Владата на Србија... во контекст на:

растечкото кинеско економско и политичко влијание во регионот,
руските напори за проектирање влијание врз Северна Македонија,
наративите што го доведуваат во прашање суверенитетот и територијалниот интегритет на земјите во Западниот Балкан, сосе т.н. „српски свет“.

Ризикот по ВМРО-ДПМНЕ, СДСМ и Левица од отворањето на архивите на ју-службите е кадровско-длабински. Но, затворањето очи пред овие предизвици е ризик и за нацијата на Северна Македонија и за македонскиот народ.

Северна Македонија во "српски свет“ не може да оди кон ЕУ.

За пат кон Брисел, Скопје мора да се „отшрафи“ од Белград. А за тоа мора да се отворат ју-архивите. Се до тогаш олигархиски/политички/безбедносно Северна Македонија зависи од Србија, а "Белата Палата“ и "Бихаќка" мора да останат скопски експозитури на Вучиќ и Ѓилас.

Имено, задачата е не се зборува за ова прокси средство на Русија и Кина во логистичката заднина на јужното и источното крило на НАТО. Но и во економската целина на ЕУ каде припаѓа Западниот Балкан.

Затоа со месеци новинари/аналитичари беа задолжени за минимизирање на темата.

Ратификувањето на Трговскиот договор меѓу ЕУ и САД извесно е да им ги приближи и политиките за спречување на кинеските дампинг цени втемелени на непазарни механизми.

А нарушувањето на кинескиот финансиски капацитет го нарушува кинеското и руското влијание во ЈИЕ и ЗБ.

За да се одржи оската на влијанија врз Северна Македонија:

- српско политичко/безбедносно/медиумско (и финансиско, "Алте Банка")

- руско безбедносно/црковно, веќе не енергетско

- кинеско економско/финансиско/безбедносно...

...за повидлив „рапрошман“ кон Кина се понуди претседателката на Републиката.

Последно со срдечното дружење со кинеската амбасадорка, Силјановска-Давкова покажа дека шефот на државата и врховен командант на НАТО-членка и ЕУ-кандидат е отворен за соработка. Без отпор од ВМРО-ДПМНЕ/СДСМ.

Со години "отвореноста“ за донации одеше рака под рака со кинеските "културни“ центри и јазични курсеви пред се во "македонските" општини раководени од ВМРО-ДПМНЕ/СДСМ.

Ова влијание не е ново и не е само по 2024:

И покрај потпишаниот договор за 5Г технологија со САД, ниту една влада до/по 2024 не ја замени кинеската технологија;
И покрај воено/безбедносно/финансиско/инфраструктурно/финансиските врски на Владата на Србија со Русија и Кина - Северна Македонија го отвори пазарот за државниот Телеком на Србија, преку М-Тел, давајќи пристап во доменот на пренос на информации!
Финансиската изложеност на Северна Македонија кон Кина растеше по основа на автопатските заеми во мандатите на владите 2011-24. Таа ќе растеше ако Обединетото Кралство не се вмеша во „патот на свилата“ со „суверениот заем“.

Северна Македонија врзана на српско-руски верски/културолошки наратив и зависна од кинеска технологија и производи - е "осудена" на низок стандард, неконкурентно производство и конфликтна нација внатрешно и кон соседството.

"Македонските" парламентарни партии во Северна Македонија – кочејќи ги преговорите за ЕУ-членство, коридорот 8... – одработуваат за туѓ проект и туѓи интереси.

Предавството се случува во Собранието, Владата и "Вила Водно".