Од "Крадат, ама барем градат" и "Со комуналиите обезбедивме приход за општината" - ова е резултатот: Скопје денес (фото РСЕ)

- вцртувањето висококатници во секој агол,

- неодвојувањето нови плански населби вон Скопје...

...ја даваат денешната слика на "метрополата".

Да, обилни беа врнежите. Но не е за прв пат. А секое следно невреме е со се потешки комунални последици.

Да, климатските промени ги чувствуваме. Но за нив очигледно сме неподготвени.

И, да, гледаме што значи кога локалната самоуправа

- од 1996 до денес не е ништо повеќе од оператива на градежно-банкарско-партиската дружина,

- ниту е децентрализирана ниту е менаџирана, туку само партиски и нестручно администрирана,

- зависи од комуналиите кои не се приход, туку само инвестициски средства за инфраструктура.

Инерцијата е потрошена.

До 2009 локалната самоуправа стоеше во место.

Од 2009 почнува да тоне.

Дупката се шири и наскоро ќе ја проголта.

Да преземеме мерки пред последиците да се бројат во животи и сериозна материјална штета.

Притоа, под "мерки" не се подразбира Министерот за локална самоуправа да вдоми уште некој пајташ. Ниту "зелените" да одржат прес-конференција или градоначалникот во бела панталона или жолта чизма, сеедно, да отчепува шахта.

Ефектите од таквите мерки ќе се почувствуваат месеци и години откако ќе се започне со системско и планско решавање на функционирањето на локалната самоуправа. А тоа е дневно-партиски некорисно иако од витално значење за секој од нас.

Лесно е да растуриш, тешко е да изградиш систем кој решава потреби и проблеми. Локален, национален - сеедно. Но за што инаку постои политиката?

(Фото: РСЕ)