"Ми градимо пругу, пруга гради нас"

Дали 8 децении подоцна во независна држава можеме да повлечеме паралела со почетокот на градбата на источниот дел од пругата кон Бугарија и отворањето на Македонскиот културен центар во Благоевград? И дали ја сфаќаме можноста во еден викенд да согледаме нова димензија на добрососедството низ поврзување и просперитет?

Скептицизмот кон исплатливоста и брзината на градба на пругата кон Бугарија по 30 години застој е разбирлив. Но веќе не е толку оправдан поради:

- финансиската обезбеденост и континентална и регионална потреба на проектот,

- потенцијалот на транспорт на патници и стоки по Коридор 8 од до кон и не само меѓу и ,

- приоритетите на новата енерго-инфраструктурна и безбедносна проекција на Европа и регионот по руската агресија врз Украина.

Да не заборавиме:

- пруга е само еден од елементите на коридор, заедно со (авто)патни, телекомуникациски и поврзувања на транспорт на енергенси и

- секое од овие поврзувања е проект со своја динамика и зависност од финансии.

Ден по почетокот на работите на источниот дел од пругата во Македонија, во Благоевград е закажано отворањето на Македонскиот културен центар.

"Јавноста" побрза да го осуди неодењето на државни претставници на настанот и да го поддржи "ексклузивитетот" на присуството на Мицкоски таму.

Но, искуствено, присуството на политички и државни претставници на таков настан е прашање на смисол.

Во Битола во приватно својство дојдоа и Јотова и Петков. И клубовите финансирани од приватни лица - функционираат поради нивните финансиери и активностите што ги спроведуваат.

Оттука, одлуката на Ковачевски, Маричиќ и други државни претставници да не одат во Благоевград е легитимна, разбирлива и правилна.

Исто како што легитимна и разбирлива е и одлуката на Мицкоски да оди таму. Доколку упати пораки на поддршка на добрососедството низ имплементација на Софискиот договор и на ЕУ-интеграциите на Македонија низ гласање за уставните промени, одлуката ќе му биде и правилна.

Ако, пак, од Благоевград само бара нови "гаранции" од ЕУ (вклучително Бугарија) што не и следуваат на ниту една земја-кандидат, значи дека целта му била само за да се зближи со третата политичка сила таму - "Преродба", која не крие дека е анти-НАТО/ЕУ ориентирана. Накусо, од Благоевград ќе покаже дали Левица ќе си ја врати во ВМРО-ДПМНЕ или ВМРО-ДПМНЕ ќе ја претопи во Левица.

Според денешните најави останува можноста од оспорување на отворањето на клубот. Секако, денес никој не може да исклучи дека и таму нема да има некој "Ламбе".

И во еден викенд ќе се покаже дали "градиме пруга и пругата не гради нас" или ќе возиме само по истите коловози како до 1991.